Yagua Health ta orguyoso di pone na disposicion e Sistema di Mammografia 3D Senographe Pristina™, un tecnologia di ultimo desaroyo cu ta redefini deteccion tempran di Cancer di Pecho. Combinando comfortabilidad, presicion y control propio di e pashent, bou di supervision di un tecnico, Yagua Health ta continua na demostra su mision di brinda cuido di salud di clase mundial pa e comunidad local y internacional.
Recomendacion pa Screening
Cancer di Pecho ta keda un di e preocupacionan di salud number uno pa muhernan mundialmente. Segun guia internacional Gold Standard, muhernan di 40 aña of mas por cuminsa hasi control di mammografia regularmente of cada dos aña. E frequencia di control aki ta depende di riesgo halto, di entre otro, historia familiar of factornan genetico. Ta importante pa consulta cu un dokter encuanto screening mas tempran. Pa pashentnan bou di 40 aña, e conseho ta pa cumpli cu un examinacion propio of un ultrasonido di pecho, cual tambe ta disponibel bou di e capa di Yagua Health.
Senographe Pristina™: Comfortabilidad, Control & Claridad
E sistema Senographe Pristina™ ta ofrece diferente bentaha special riba e mammografia tradicional, cual ta haci cu e sistema di Mammografia 3D ta ofrece examen mas preciso y cu comfortabilidad:
- Un sistema cu a demostra internacionalmente di detecta un averahe di 40% mas di casonan compara cu e mammografia tradicional
- E pashient ta den control pa regula e presion di e ekipo hunto cu guia di un tecnico profesional
- Imagen cla y detaya, incluso pa e hende muhe cu pecho mas denso
- Cu un diseño mas amistoso cu rand rondo pa reduci molester
- Posicion relaha durante e examen cu ta reduci stress, nervio, y ta mehora calidad di e imagen
- Examen mas rapido cu revision inmediato di resultado, pa reduci ansiedad y tempo di espera
Pakico ta Importante
Un mammografia por detecta abnormalidadnan hopi prome cu sintomanan aparece, cual ta provee e ser femenino un miho oportunidad pa tratamento eficaz. Cu Senographe Pristina™, Yagua Health ta sigura cu pashentenan ta ricibi cuido avansa cu ta ahusta cu e standar internacional.
Na Yagua Health, nos prioridad ta combina inovacion cu compasion. Cu e sistema Senographe Pristina™ por experiencia screening di pecho mas sigur, suave y eficiente, cu e meta principal den deteccion trempan.
Pa mas informacion por tuma contacto cu nos na (+297) 5860448, WhatsApp (+297) 5975549, of email nos na [email protected] of bishita nos na www.urgentcare.aw.
Tocante Yagua Health
Yagua Health, lider den red di cuido di salud priva na Aruba ta compromete pa duna cuido di salud medico accesibel y di calidad halto, tanto na residente local como huesped di nos isla. Yagua Health ta conta cu un red y gama completo di servicio cu ta inclui; Laboratorio Medlab, Urgent Care Aruba, Punta Brabo Diagnostics, Di Noris Women’s Clinic, y Laboratorio di Servicio.
Cu combinacion di tecnologia avansa, expertisio profesional, y cuido di salud yena cu compasion, Yagua Health ta sigura cu cada pashent ta ricibi atencion personalisa den un ambiente sigur y moderno. Cu e mision pa provee cuido di salud cu ta confiabel, eficiente, y centralisa riba bienestar di e comunidad.
